Himnaríki á Facebook

fimmtudagur, 26. maí 2011

Aðalfundur og ný stjórn hjá LÖ

Aðalfundur LÖ var haldinn í Ráðhúskaffi í kvöld. Fundarstjóri var Árný Leifsdóttir og ritari Helena Helgadóttir. Ágæt mæting var og fóru fram hefðbundin aðalfundastörf. Meðal annars urðu breytingar á stjórn.

Úr stjórn gekk Magnþóra Kristjánsdóttir og þau Kolbrún Gunnarsdóttir og Jónas Höskuldsson gengu úr varastjórn. Ottó Rafn Halldórsson tekur nú sæti í stjórn og tekur við starfi gjaldkera félagsins. Þrúður Sigurðar verður áfram formaður, Helena Helgadóttir ritari, Hulda Gunnarsdóttir varaformaður og Árný Leifsdóttir meðstjórnandi. Birna Rut Árnadóttir og Róbert Karl Ingimundarson eru nýir varastjórnarmenn. Er nýju stjórnarfólki óskað hér með til hamingju.

Skýrslu stjórnar og styrkjanefndar má finna undir hlekknum fundargerðir og skýrslur hér til hægri.

Fundargerð aðalfundar verður svo birt hér á vefnum innan tíðar.